外媒引用世界經濟論壇及美國勞工統計局數據，預測12種文職將在未來十年被AI取代，香港大學畢業生全職職缺更暴跌逾五成。 當求職市場進入寒冬，面試時的第一印象就是你的最強武器——一個得體的妝容加上合適的穿搭，隨時決定你同Offer之間嘅距離。
根據大學聯校就業資料庫（JIJIS）統計，適合大學生全職的職位空缺較疫情前暴跌超過55%，僅剩約7,928個，情況甚至比疫情期間更嚴峻。 而外媒更點名12種即將被AI淘汰的文職，包括銀行櫃員、行政助理、簿記員、打字員等，當中打字員的需求預計未來十年暴跌26%。
當每個職位都有大量競爭者爭奪，HR可能只花7秒鐘就決定對你的第一印象。 有HR坦言：「比起化妝，談吐和能力更重要，但冇氣色的人蠻扣分」；亦有設計師表示最終選了素顏但自信表達的求職者，說明「整齊有精神」先係面試儀容的真正目標。 在求職寒冬下，你未必控制到市場有幾多職位，但你絕對可以控制自己出現在HR面前的狀態——一個乾淨得體的面試妝容加上合適穿搭，就係你最低成本、最高回報的求職投資。
圖片源自香港01網站
面試妝容嘅核心原則係：自然、乾淨、有精神，唔係越靚越好，而係讓HR覺得你「好相處、做嘢好整齊」。 以下5步新手都學得識：
Step 1：底妝——輕薄貼服，唔好做「面具臉」
揀接近膚色的粉底液或BB Cream，用濕海綿輕拍上面，薄薄一層就夠。唔好揀太白的色號，在辦公室燈光下會顯得假白不自然。 化妝前做好保濕打底，妝前乳可以修正暗沉膚色，最後薄掃蜜粉定妝。
Step 2：眉毛——整齊自然最重要
用比頭髮淺一度的眉筆填補眉毛空隙，稍微加強眉峰令五官更立體有精神，畫完用眉梳掃開邊界令效果更自然。 千萬唔好畫太粗太深，喧賓奪主。
Step 3：眼妝——大地色兩色暈染就夠
面試唔需要華麗眼妝，揀一個大地色眼影盤，淺色打底、深色加深眼尾就完成。 眼線在眼尾微微拉長就好，切忌上挑或過粗，以免顯得太強勢。睫毛夾翹、薄刷一層睫毛膏即可。
Step 4：腮紅——蜜桃色淡掃增加血色
面試腮紅唔好太搶，選蜜桃色或奶茶色在笑肌位置輕掃，令面色紅潤有生氣。 唔需要打亮粉，如果皮膚狀態唔錯，唔塗腮紅都可以。
Step 5：唇色——豆沙色最安全百搭
唔好用裸色（顯無氣色）或大紅色（太搶眼），推薦豆沙色、乾燥玫瑰色，知性得體又有精神。 霧面質地比唇蜜更持久，面試期間唔怕甩色。
除咗妝容，穿搭同樣直接影響面試官對你嘅印象。唔同行業嘅dress code唔同，但以下通用原則適用於大部分見工場合：
色調以簡約為主
黑、白、灰、卡其、深藍係最安全的面試色調，避免螢光色、花巧圖案或太多顏色疊加。 如果想多一點個人風格，可以用一條簡約絲巾或小飾物作點綴。
西裝外套係致勝單品
無論Business Formal還是Smart Casual場合，一件剪裁合身的西裝外套都可以即時提升專業感。 怕太formal可以內搭一件質感恤衫或淨色針織上衣，下身配西褲或及膝裙。
鞋要舒適但有質感
建議穿高跟鞋（1至2吋）或乾淨皮鞋，平底鞋揀尖頭或皮革質感款都可以。 千萬唔好著涼鞋或太casual的波鞋。
手袋忌用奢侈大牌
面試日唔建議揹太搶眼的名牌手袋，容易畀人負面印象。揀一個簡約、容量夠裝CV同文件的公事包或手提袋就最穩陣。
面試嘅妝容同穿搭唔係one-size-fits-all，根據你見工嘅行業，可以做適度微調：
金融／法律／會計
呢類行業講求專業穩重，底妝要精緻無瑕、眉毛俐落對稱，唇色選偏深豆沙或乾燥玫瑰，眼妝保持細緻乾淨就好。 穿搭方面以 Business Formal 為主，深色套裝配恤衫加皮鞋，飾物從簡，唔好戴太多手鏈或耳環。
創意／設計／媒體
可以喺妝容上略加個性，例如揀一個特別但唔誇張嘅唇色，眼妝可以比一般面試稍為豐富，展現你對美嘅觸覺同品味。 穿搭走 Smart Casual 路線，質感恤衫配闊褲或中長裙，適度加入個人風格但唔好太花巧。
零售／服務／美容
妝容可以比其他行業稍為完整，畢竟呢類工作本身就要求你對形象有一定敏感度，但仍然以乾淨整齊為大前提。 穿搭方面整潔時尚即可，可以加入少許當季流行元素，展現你緊貼潮流嘅一面。
教育／社福／政府
以最簡約自然妝為主，重點放喺氣色而唔係妝感，淡掃腮紅、自然色唇膏已經足夠。 穿搭偏保守得體，淺色恤衫配深色西褲或及膝裙，整體感覺穩重大方就最加分。
無論邊個行業，最重要嘅原則都一樣：唔好為面試特登化一個你平時完全唔化的妝，因為不自在會寫在面上。 用你習慣的方式，參考以上重點微調，展現出最有精神、最自信的自己，先係面試必勝關鍵。想睇更多面試妝容教學、職場穿搭靈感同護膚攻略，記得持續關注 Beauty 100！
